<街角咖啡師>下

讀完曬所有課程，都有起一啲咖啡小店工作，但只有義式，自己對其他既沖煮方式其實都好想繼續鑽研的，但感覺香港手沖或虹吸都唔太普及（相比台灣既咖啡文化）

自至而家，家中既咖啡用具慢慢越來越多，自己都有睇一啲咖啡相關書籍，但係就係普遍都係一啲介紹咖啡歷史，處理法，各種用具既用法，但就未搵到一啲好詳細針對咖啡萃取既要點，例如帶有花味/果味/可可味/堅果味既咖啡豆要用咩器具，V60/醜小鴨？用幾多次注水？應該用咩溫度等等。。。但暫時又未搵到門路去學習。

未來希望可以將自己成為一位咖啡師，一位能夠將手上既咖啡豆獨特風味帶出黎既咖啡師，咁樣先對得住果粒咖啡，同飲我咖啡既人。

最後既長遠目標就當然係開鋪啦⋯⋯希望有一個地方可以分享自己既咖啡，去同客人交流，去同自己珍惜既人夜深嘆杯啡，傾吓計～～

#故事 #咖啡